Megjithëse Gjykatën Speciale e financon Bashkimi Europian me disa shtete tjera kontribuese, edhe Kosovës i ka rënë për pjesë të mbulojë disa shpenzime që lidhen me Hagën.
E kjo vjen përmes kërkesës që bëhet në Ministrinë e Drejtësisë.
Për dy ditë, kjo ministri shpërndau 322 mijë e 178 euro, nga ekzekutimi i disa pagesave për disa kategori.
Për qëndrimin katër ditor në Hagë, ministrja, Albulena Haxhiu shpenzoi mbi 849 euro.
Shifër të njëjtë ka shpenzuar edhe asistentja e ministres, Berita Abazi.
Në këtë shumë, përfshihen biletat, akomodimi dhe mëditja prej 184 eurove.
Por kuletës së shtetit shumë më të lartë i kushtoi mbulimi i shpenzimeve për familjarët e të akuzuarve në Hagë.
Sipas të dhënave publike, pagesat për shpenzimet e tre familjarëve, të tre të akuzuarve u ekzekutuan më 8 prill, duke kapur shifrën prej 2 mijë e 480 eurove.
Gjashtë shifrore është ekzekutimi i pagesave për avokatët e të akuzuarve.
Më së shumti përfitoi avokati i Rexhep Selimit, 91 mijë euro.
Me nga 81 mijë euro përfituan mbrojtësit e ish krerëve të OVL-së, Hysni Gucanit e Nasim Haradinajt.
E mbrojtësi i të akuzuarit të fundit të Speciales, Pjetër Shala, mori 65 mijë euro.
Kronika e realizuar nga gazetarja Florijeta Dernjani.
