Vendasit gjermanë të Hamburgut u zgjuan mëngjesin e së dielës në një zjarr masiv.
Zjarri i shkaktuar në qytetin e Gjermanisë alarmoi organet kompetente, të cilët paralajmëruan tym të dendur dhe toksina të mundshme në ajër, pas një zjarri që shpërtheu në magazinë.
Banorëve në qytetin verior gjerman u tha që të mbyllin dyert e dritaret.
Në një paralajmërim zyrtar zjarri dhe tymi u klasifikuan si “rrezik ekstrem”. Duke shkaktuar kwshtu edhe evakuimin e më shumë se 150 njerëzve për shkak të rrjedhjes së gazrave toksike.
Transmetuesit publik lokal raportuan se sulfuri i hidrogjenit po rridhte nga vendi, sipas hetimeve fillestare. Derisa zjarrfikësit ishin në gjendje të ndërhyjnë në vendngjarje vetëm me respiratorë.
“Gazi i tymit dhe përbërësit kimikë në ajër të shkaktuara nga zjarri i magazinave mund të ndikojnë në frymëmarrje. Përhapja e tymit po lëviz drejt qendrës së qytetit”, tha zëdhënës i departamentit të zjarrfikësve në Hamburg.
Operatori gjerman hekurudhor Deutsche Bahn tha se kishte mbyllur rrugën midis Hamburgut dhe qytetit të afërt të Büchen për shkak të zjarrit.
Trenat midis Hamburgut dhe Berlinit gjithashtu u përballën me vonesa deri në 60 minuta.
Derisa shërbimet e urgjencës nuk ishin në gjendje të japin informacione se çfarë saktësisht po digjej brenda magazinës apo çfarë e shkaktoi zjarrin./Tëvë1/
