Komisioni Qendror i Zgjedhjeve ka bërë të ditur se deri në orën 09:00 të mëngjesit të së dielës, në procesin zgjedhor kanë marrë pjesë 2.96 për qind e qytetarëve me të drejtë vote në Kosovë.
Sipas të dhënave të përditësuara nga KQZ, nga 2,369 vendvotime të procesuara, deri në këtë orë kanë votuar gjithsej 57,940 qytetarë.
KQZ ka njoftuar se procesi i votimit po vazhdon normalisht në të gjithë vendin, pa pengesa të theksuara në qendrat e votimit.
Në krahasim me zgjedhjet e mbajtura më 28 dhjetor 2025, në të njëjtën periudhë kohore është shënuar një pjesëmarrje pak më e lartë, pasi atëherë deri në orën 09:00 kishin votuar 2.68 për qind e votuesve.
