Aeroporti Ndërkombëtar i Prishtinës “Adem Jashari” i ka bërë thirrje udhëtarëve që të jenë me kohë në aeroport, kjo për shkak të garave të çiklizmit që do të mbahet sot.
Policia e Kosovës ka njoftuar se për shkak të “Kampionati i Çiklizmit të Kosovës 2023″, autostrada do të jetë e bllokuar përkohësisht.
“Me datë 16 Korrik 2023 (E Dielë), kjo garë do të filloj në ora 10:30, nga Bibaj-Lipjan, për të vazhduar në Prishtinë dhe në Fushë Kosovë me lëvizje drejt Aeroportit,Komoran-Malishevë dhe anasjelltas.
Prandaj, duke pasur parasysh këtë garë, dhe lëvizjen me automjetet tuaja gjatë kësaj dite, në rrugët që dërgojnë në Aeroportin Ndërkombëtar të Prishtinës ‘Adem Jashari’”, thuhet në njoftim.
Në njoftim të aeroportit thuhet se udhëtarët duhet të kenë parasysh orarin e fluturimeve, sepse ai nuk ndryshon.
“Ne mirësisht ju lusim që të keni parasysh se orari i fluturimeve nuk ndryshon dhe ju lusim që të paraqiteni me kohë për fluturimet tuaja, në mënyrë që të mos i humbisni ato. Duke ju dëshiruar fluturime të këndshme, ju falënderojmë për mirëkuptimin tuaj, ndërsa të gjithë garuesve dhe ‘Federatës së Çiklizmit të Kosovës’ ju urojmë sukses!”, thuhet në njoftim./teve1.info/
