Sllovenia të mërkurën pengoi uljen e një aeroplani të marrë me qira nga kompania izraelite Israir, duke përmendur mungesën e lejeve të nevojshme, raportoi transmetuesi publik i Izraelit KAN.
Aeroplani, i operuar nga kompania kroate Trade Air që punonte në emër të Israir, devijoi rrugën e tij drejt Kroacisë pasi autoritetet sllovene refuzuan ta lejonin të ulej, sipas KAN.
Drejtori ekzekutiv i Israir, Uri Sirkis, nga ana e tij e quajti këtë veprim “politik”, duke pretenduar se ai u shkaktua nga “kundërshtimi i qartë i Sllovenisë ndaj politikave dhe drejtimit të ndjekur nga Izraeli”.
Qeveria sllovene nuk ka dhënë asnjë deklaratë zyrtare lidhur me këtë çështje.
