Shkruan: Ardian Bajraktari
Për rastin Hajrizi, përgjegjësia është e shtetit dhe është në dy drejtime.
E para është se një person edhe përkundër faktit që me vite ka qëndruar në burg, nuk ka arritur të risocializohet, pra aspekti kryesor i qëllimit të dënimit, risocializimi ka dështuar të arrihet.
E dyta, nuk janë analizuar mjaftueshëm rrethanat përkatësisht faktorët për vlerësim të rrezikut dhe të nevojave, si dhe planifikimi i ekzekutimit të dënimit.
Prandaj, ky rast, përveç se duhet trajtuar nga mekanizmat e brendshëm, përgjegjës për mbikëqyrjen e ligjshmërisë së punës së Shërbimit Korrektues dhe të institucioneve korrektuese duhet veprim i Inspektoratit të Ministrisë së Drejtësisë.
Po ashtu duhet të marrë edhe veprimeve hetimore nga ana e Prokurorit të Shtetit, për të parë se ku është bërë lëshimi dhe të gjithë ata që kanë vepruar në shpërputhje me përgjegjësitë e tyre të ballafaqohen me ligjin.
Njëkohësisht, ky rast i rëndë dhe me pasoja fatale, le të shërbejë si këmbanë alarmi dhe të punohet në drejtim të rishikimit të masave që aplikohen në institucionet korrektuese me qëllim të arritjes së risocializimit të të dënuarve, si dhe në ngritjen e nivelit të sigurisë.
Opinioni përmban pikëpamjet e autorit dhe nuk prezanton qëndrimet editoriale të teve1.info
