Admirali i NATO-s, gjenerali Stuart B. Munsch, është takuar me komandantin e KFOR-it, gjeneralin turk Ozkan Ulutas në Prishtinë.
Në njoftimin e publikuar në faqen zyrtare të Komandës së Napolit, thuhet se diskutimet janë fokusuar për përkushtimin e KFOR-it për stabilitet dhe siguri në rajon.
Gjithashtu në njoftim thuhet se kanë diskutuar edhe për përkrahjen e dialogut të lehtësuar nga Bashkimi Evropian.
“Admirali Stuart B. Munsch vizitoi Prishtinën, Kosovë, ku u takua me komandantin e KFOR-it, Gjeneral Major Ozkan Ulutas. Diskutimet u përqendruan në angazhimin e KFOR-it për stabilitetin dhe sigurinë në rajon, si dhe mbështetjen e Dialogut të lehtësuar nga BE”, thuhet në njoftim.
Kjo vizitë e admiralit amerikan vjen menjëherë pas vizitës që ka bërë në Kosovë shefi CIA-s, William Burns. /teve1.info/
Admiral Stuart B. Munsch visited Pristina, Kosovo, where he met with KFOR Commander Major General Ozkan Ulutas. Discussions focused on KFORs commitment to stability and security in the region, and support of EU facilitated Dialogue. @NATO_KFOR #Peace #Security pic.twitter.com/kaVhACUbiw
— NATO JFC Naples (@JFC_Naples) August 27, 2024
