Sipas informacioneve të portalit zviceran 4-4-2.ch, Admir Mehmedi nuk është në listën e kandidatëve për postin e drejtorit sportiv te FC Zürich.
Pas shkarkimit të Milos Malenoviqit, drejtuesit e klubit kanë nisur kërkimin për një pasues të ri, ndërsa në media kanë qarkulluar disa emra të mundshëm.
Megjithatë, ish-futbollisti i Kombëtares së Zvicrës, Admir Mehmedi, nuk bën pjesë në këto diskutime. Spekulimet rreth një angazhimi të mundshëm të tij besohet se kanë lindur për shkak të marrëdhënies së afërt që ai ka me presidentin e klubit, Ancillo Canepa.
Mehmedi së fundmi ka qenë i angazhuar si drejtor sportiv te FC Schaffhausen, ku punoi për një periudhë gjashtëmujore. Ai u largua nga kjo pozitë në verën e vitit 2024 me dëshirën e tij, pasi drejtuesit e klubit vendosën një ulje të buxhetit, çka ndikoi në vizionin dhe projektin sportiv.
