Është ndërprerë seanca e radhës ndaj tre të akuzuarve, Dushan Maksimoviq, Blagoje Spasojeviq dhe Vladimir Toliq në rastin Banjska.
Kryetari i trupit gjykues, Arben Hoti ka deklaruar se Dragana Antonijeviq nuk është prezantuar edhe pse e ka marrë ftesën nga babai i saj, i cili ka thënë se ajo gjendet në Serbi.
“Meqë ajo nuk ka arritur të prezantojë, ani pse është thirrur rregullisht mirëpo e njëjta ka refuzuar ta pranoje ftesën, duke shprehur qartë vullnetin e saj për të mos dëshmuar pa paraqitur ndonjë arsye ligjore qe do ta arsyetonte”, ka deklaruar ai.
Kurse, prokurori Naim Abazi ka thënë se Gjykata e Prishtinës ka bërë përpjekje reale që të sigurojë prezencën e Antonijeviq, por s’ka pasur sukses.
“Konsideroj se janë plotësuar kushtet qe procesverbalet mbi deklaratat e mëparshme mund të lexohen kur dëshmitarët pa arsye ligjore nuk dëshmojnë në proces ligjor. Për këtë mendoj se janë plotësuar kushtet pasi dëshmitarja ka dhënë deklaratë më herët në prokurori. Kjo Gjykatë ka bërë përpjekje reale qe ta sigurojë prezencën e saj, por pa sukses. Andaj duke u mbështetur në Kodin e Procedurës Penale, propozojë që deklarata e dëshmitares të lexohet dhe e njëjta të administrohet si provë në proces gjyqësor”, ka shtuar Abazi.
Ndërsa, avokatja e Dushan Maksimoviq, Jovana Filipoviq ka theksuar se Prokuroria është dashur që të pyet Dushan Maksimoviq se kur ka qenë i punësuar.
“Dragana ka qenë punonjëse në Ranjska Banja sikur Dushan Maksimoviq dhe prokuroria është dashur që ta marrë në pyetje në lidhje me Dushan Maksimoviq se kur ka qenë i punësuar, ku ka punuar dhe përkatësisht për pjesën ku shihet Dushan Maksimoviq para hotelit Ranjska Banja, ku prokuroria e merr si provë derisa ai vetëm ka qenë në vendin e tij të punës”, ka shtuar avokatja.
Ndryshe, mbrojtja e Dushan Maksimoviq, ka bërë propozim të disa dëshmitarëve dhe Gjykata ia ka pranuar dëgjimin e njërit prej tyre.
Në fund, seanca u ndërpre, dhe vazhdimi i saj u caktua të zhvillohet më 16 janar./teve1.info/
