Deputeti i Lëvizjes Vetëvendosje, Artan Abrashi ka deklaruar se bllokada në Kuvend nga opozita është e qëllimshme dhe në plotni në kundërshtim me Kushtetutën.
Abrashi është shprehur se minimalja e etikës kur nuk i fiton zgjedhjet është pranimi dhe reflektimi karshi rezultatit.
Sipas tij inatet destruktive politike, pa ndonjë qëllim të qartë, po e mbajnë peng tash e disa kohë Kuvendin e Kosovës.
“Shprehim zhgënjimin tonë të thellë për këtë bllokadë të qëllimshme dhe në plotni në kundërshtim me Kushtetutën nga opozita. Zgjedhjet janë proces demokratik dhe kur nuk i fiton, minimalja e etikës politike dhe njerëzore, është ta pranojë dhe të reflektojë karshi rezultatit dhe të vazhdohet rrjedhja procedurale për formimin e institucioneve. Por kjo nuk po ndodh. Inatet destruktive politike, pa ndonjë qëllim të qartë, po e mbajnë peng tash e disa kohë Kuvendin e Kosovës”, ka thënë Abrashi pas dështimit të 34-t për konstituimin e Kuvendit.
