Abrashi në emisionin “InfoNata” në Tëvë1, ka thënë se sa do që vonohemi në procesin e dialogut është në dëm të Kosovës.
Sipas tij, në lidhje me dialogun nuk është parë një qasje serioze e institucioneve të Kosovës.
“Sa do që vonohemi në procesin e dialogut ajo është në dëm të Kosovës për shkak se interes nga zgjatja e këtij procesi të dialogut ka vetëm pala serbe. Ne deri më tani nuk është se kemi pasur një qasje serioze të institucioneve të reja të Kosovës karshi procesit të dialogut përkundrazi kemi parë një retorikë e cila ka qenë jo diplomatike dhe jo serioze për një shtet”, ka thënë ai.
Ai pati kritika për Qeverinë, ku tha se nuk është hera e parë që institucionet e Kosovës po shkojnë në Bruksel për të dialoguar me ndërmjetësuesin e saj, por jo me palën me të cilën duhet dialoguar.
Sipas tij, Kosova duhet të jetë palë këmbëngulëse që procesi i dialogut të përfundojë sa më parë.
“Në takimin e sotëm kemi një takim me ndërmjetin e këtij procesi por jo edhe me palën serbe. Nuk është hera e parë që institucionet e reja të Kosovës po shkojnë në Bruksel për të dialoguar me ndërmjetësuesin por jo me palën me të cilën do të duhej të dialogohej dhe në këtë aspekt mendojë se kjo bie për shkak të situatës me zgjedhjet në Serbi që do të mbahen në 3 prill dhe deri sa të qetësohen tonet nacionaliste, populiste të cilat ngritën sa herë ka zgjedhje edhe takimi do të jetë i vështirë mirëpo mirë bëhet që po vazhdohet të shkohet në Bruksel dhe po diskutojmë me BE-në për tema që janë të rëndësishme për ne. Por do të thotë qe ne duhet të jemi palë këmbëngulëse që ky proces i dialogut të përfundojë sa më parë”, ka thënë Abrashi. /teve1.info/
