Tahiri e ka quajtur vepër penale rritjen e çmimit të energjisë elektrike dhe sipas tij kjo vepër duhet të ndëshkohet penalisht nga Prokuroria, raporton Teve1.info
“Vendimi i parë i Gjykatës Themelore për pezullimin e implementimit të tarifave, i cili nuk u respektua nga ZRRE-ja dhe i njëjti as nuk u përmend as nga mazhoranca as nga akterët që kishin dhënë komente dhe kontribut për ngritjen e energjisë elektrike, nuk duhet të kalojë në heshtje. Mendoj që kjo është një vepër penale e konsumuar e cila ka dëmtuar rëndë interesin publik, e cila i ka dëmtuar mbi 450 mijë familje në Kosovë dhe një vepër e tillë duhet të ndëshkohet penalisht dhe të ndjeket penalisht nga Prokuroria, të cilën shpresojmë që do ta bëjnë në ditët vijim”, tha ai.
Sipas tij, pa dallime partiake duhet të kërkohet që përmes një rezolute të shkarkohet Bordi i ZRRE-së.
“Ne si deputet nuk mund të rrimë duarkryq dhe të heshtim ndaj kësaj situate. Ajo që duhet të ndodh më e pakta më e vogla është shkarkimi i menjëhershëm i Bordit të ZRRE-së. Ne si kuvend pa dallime partiake të kërkojmë përmes një rezolute shkarkimin apo të sjellim në kuvend shkarkimin e bordit të ZRRE-së. Këta njerëz i kanë dëmtuar më shumë se 450 familje, kjo nuk duhet të tolerohet”, ka deklaruar Tahiri në Kuvend. /teve1.info/
