Abdullahu në emisionin “Ditari” në Tëvë1, ka thënë se Qeveria Kurti vetëm dëshiron të krijojë përshtypje që po munohet të bëjë diçka.
“Për ne si Parti Demokratike nuk është e çuditshme. Kjo Qeveri për nga mënyra si kundër e përcepton rrethana të krijuara tani, po si kundër e ka vlerësuar për çka ka ndërtu kauzë është krejt normale që të mos merret vesh me veteranët, është krejt normale që të insistojë që të bisedojë me veteranët e të krijojë përshyptje se po mundohet të bëjë diçka”, ka thënë ai.
Abdullahu theksoi se si PDK dëshirojnë që Qeveria të gjejë gjuhë të përbashkët me veteranët dhe si parti do ta mbështesnin marrëveshjen e veteranëve me ekzekutivin, shkruan teve1.info
“Ne do donim shumë që kjo qeveri të gjejë gjuhë të përbashkët, të vazhdojë, të bisedojë me veteranët dhe nëse ata pajtohen po mendoj për Qeverinë dhe veteranët, atëherë edhe ne si PDK do ta mbështesim një marrëveshje të tillë”, tha Abdullahu.
Tutje ai ka thënë se qasja e Qeverisë ndaj veteranëve është brengosëse, pasi ai konsideron se pushtetarët nuk kanë respekt për kategorinë e veteranëve.
“Kjo lloj qasje e Qeverisë, ky lloj përjashtimi, anashkalimi i veteranëve është për tu brengosur. Kur e ke këtë parasysh atëherë nuk quditesh, nuk ka respekt për këtë kategori të shoqërisë që meritojnë respekt shumë më të madh”, tha ai.
