Kandidati i PDK-së për deputet, Faton Abdullahu ka thënë se partia e tij do ta ketë njohjen në qendër të dialogut me Serbinë.
Sipas tij, Qeveria Kurti ka lëshuar pe në raport me njohje dhe ka bërë gabim të madh.
“Kjo Qeveri ka ofruar normalizim…nuk po thotë njohja në qendër, po thotë normalizim, që i bie nëse insistohet për njohjen është diçka tjetër… Kjo Qeveri në raport me njohjen ka lëshuar pe, e ka bërë gabim të madh. Si do ta arrije PDK-ja njohjen? Pra mos me hek, mos me u largu nga koncepti i ballafaqimit me Serbinë…Ne do ta respektojmë Kushtetutën dhe nuk ka pushtet të tretë, njohja duhet të jetë në qendër. E kemi thënë në mënyre të vazhdueshme…”, ka deklaruar ai në emisionin “Këndi i Debatit” në Tëvë1.
Tutje, ai tha se nuk mund të ballafaqohesh suksesshëm me Serbinë, duke mos i pasur raportet e mira me SHBA-të.
“Nuk mundesh suksesshëm me u ballafaqu me Serbinë, duke i pasur punët si i ka tash me SHBA-në dhe ka indicie që ka ma i pasur me keq, nëse fton kjo Qeveri, pra me administratën e re Trump”, ka deklaruar Abdullahu.
