Në ditën e 11-të të fushatës zgjedhore për zgjedhjet lokale të 12 tetorit, Lidhja Demokratike e Kosovës, ka mbajtur një tubim në Vushtrri.
Kreu i kësaj partie Lumir Abdixhiku, tha se kandidati Xhafer Tahiri është i gatshëm ta çoj më tej besimin e qytetarëve me projekte konkrete, me vizion modern dhe me shërbim të denjë për secilin qytetar.
“Vushtrri, sonte treguat fuqinë dhe besimin tuaj! LDK ishte dhe mbetet boshti i arsyes, partia e shpresës dhe e zhvillimit për çdo qytetar të këtij vendi. Në këtë qytet me traditë të gjatë e me njerëz punëtorë, ne shohim energjinë për të ardhmen dhe vendosmërinë për ta kthyer punën në rezultat.
Kandidati ynë, Xhafer Tahiri, dhe ekipi i LDK-së për Vushtrrinë janë të gatshëm ta çojnë më tej këtë besim; me projekte konkrete, me vizion modern dhe me shërbim të denjë për secilin qytetar.
Vushtrria e meriton zhvillimin. Vushtrria e meriton shërbimin. Vushtrria e meriton LDK-në”, ka shkruar ai në Facebook.
