Abdixhiku për Nishanin ka thënë se ikja e tij në amshim është lajm i hidhur për Shqipërinë dhe shqiptarët kudo në botë.
“Më pikëlloi lajmi për ndarjen e hershme nga jeta të ish-Presidentit të Shqipërisë, Bujar Nishani. Ikja e tij në amshim është lajm i hidhur për Shqipërinë dhe shqiptarët kudo në botë. Presidenti Nishani ka lënë pas vete një trashëgimi të madhe, siç ishte i madh edhe angazhimi i tij për çështjen kombëtare”, ka shkruar ai.
Sipas tij, përkushtimi i Nishanit për paqe e demokraci e bën njëri të veçantë e personalitet të rrallë.
“Përkushtimi i tij për paqe, zhvillim e demokraci, e bën Presidentin Nishani njeri të veçantë, personalitet të rrallë, të balancuar me ide e qëndrime si dhe të paharrueshëm në historinë e popullit shqiptar. Në emrin tim dhe të Lidhjes Demokratike të Kosovës, u shpreh ngushëllime familjes Nishani dhe mbarë popullit shqiptar. I përjetshëm kujtimi për Presidentin Nishani!”, tha Abdixhiku. /teve1.info/
