LDK-ja përmes një njoftimi në Facebook, ka thënë se zyrtarët e ngarkuar janë: Anton Quni, nënkryetar i LDK, Sokol Haliti, anëtar i Kryesisë, Armend Zemaj, deputet dhe anëtar i Kryesisë dhe Shkumbin Gashi, koordinator teknik.
“Me qëllim të organizimit dhe koordinimit të përbashkët të aktiviteteve vijuese të LDK-së në mërgatë, me qëllim të regjistrimit të anëtarësisë dhe gjithëpërfshierjes në të gjitha proceset e brendshme politike të LDK-së të anëtarësisë sonë, sot, më 12 prill, kryetari i LDK-së, Lumir Abdixhiku ka themeluar Ekipin Politik për mërgatë, në përbërje të: Anton Quni, nënkryetar i LDK; Sokol Haliti, anëtar i Kryesisë; Armend Zemaj, deputet dhe anëtar i Kryesisë; Shkumbin Gashi, koordinator teknik”, thuhet në njoftim.
Sipas kësaj partie, ekipi politik do të jetë përgjegjës për organizimet e përbashkëta mobilizuese e të vizitave të LDK-së në mërgatë.
“Ekipi politik do të jetë përgjegjës për organizimet e përbashkëta mobilizuese e të vizitave të LDK-së në mërgatë. Mërgata ka qenë dhe është jetike për zhvillimin dhe prosperimin ekonomik të vendit. LDK është duke punuar intensivisht në bashkërendimin e aktiviteteve në degët tona në mërgatë, me synim rritjen dhe hapjen e dyerve për kuadro të reja, gra e të rinj profesionit në qendrat më të mëdha botërore”, thuhet më tej në njoftim. /teve1.info/
