Përmes një postimi në Facebook, Lidhja Demokratike e Kosovës ka njoftuar se Abdixhikur i ka shprehur mirënjohje ambasadores Vakali, për përkrahjen që shteti grek ia ka dhënë Kosovës në procesin e liberalizmit të vizave shkruan teve1.info.
“Kryetari Abdixhiku me ambasadoren Vakali, diskutoi për situatën aktuale politike si dhe për proceset integruese të Kosovës dhe rajonit, me ç’rast theksoi se roli mbështetës i Greqisë është tepër i rëndësishëm. Me këtë rast, kryetari Abdixhiku, shprehu mirënjohjen ndaj shtetit grek për përkrahjen që i ka dhënë vendit tonë në procesin e liberalizimit të vizave. Gjatë takimit, kryetari Abdixhiku, përveçse vlerësoi marrëdhëniet mes dy vendeve, theksoi se thellimi i bashkëpunimit të mëtejmë në fushën politike dhe ekonomike dhe fusha tjera është me interes reciprok”, thuhet në njoftimin e LDK-së./Teve1.info/
