Ai përmes një postimi në Facebook ka njoftuar se e ka uruar Kongresmenin amerikan për rizgjedhjen nga gara e javës së kaluar si dhe e vlerësoi kontributin e tij në vazhdimësi për Kosovën.
“Kongresmeni Aderholt është një mik i madh i Kosovës. Në rolin e bashkudhëheqësit të grupit për çështjet shqiptare, ai ka shtyrë në vazhdimësi pozicionin e Kosovës në Kongresin Amerikan dhe politikën e jashtme amerikane. Për këtë e falënderova përzemërsisht. Të njëjtin e ftova për vizitë në Kosovë. Populli i Kosovës mbetet falënderues për kontributin e Kongresistëve në momente të ndryshme historike. Për këtë mbështetje kemi nevojë edhe sot”, ka shkruar Abdixhiku.
