Lidhja Demokratike e Kosovës përmes një njoftimi për media ka njoftuar se gjatë takimit të sotëm mes kryetarit të LDK-së, Lumir Abdixhiku dhe shefit të zyrës së Fondacionit Konrad Adenauer Stiftung për Kosovë, Daniel Braun është diskutuar për situatën aktuale politike në vend, qëndrimet e LDK-së si dhe për bashkëpunimin mes LDK-së dhe KAS në të ardhmen.
Sipas të parit të LDK-së, roli dhe kontributi i KAS-it, në edukimin politik si dhe fuqizimin e shumë të rinjve dhe grave është i pazëvendësueshëm, njofton Klan Kosova.
Abdixhiku falënderoi KAS-in për mbështetjen që i kanë dhënë LDK-së dhe forumeve të saj si partner i vetëm në Kosovë.
“LDK ka bashkëpunim të shkëlqyeshëm me KAS tash e shumë vite në promovimin e vlerave demokratike në shoqërinë tonë”, thuhet në njoftim.
