Kryetari i Lidhjes Demokratike të Kosovës, Lumir Abdixhiku, ka publikuar 50 zotimet e ‘Rrugës së Re”.
Ai ka thënë se këto zotime janë hartuar nga njerëz profesionistë.
Rritja ekonomike për 4-5 % në vit, rritja e koeficientit të pagës, Gazifikimi i Kosovës, ndërtimi i Qendrës së Spitalore në Prishtinë, ndërtimi i autostradave të Gjilanit dhe Pejës dhe përfundimi i magjistraleve për Mitrovicë dhe Podujevë brenda pak muajve, sigurimet shëndetësore, ndërtimi i stadiumit nacional në Prishtinë, unza e re në Prishtinë” janë disa nga zotimet e programit “Rruga e Re”.
“Kam mbledhur mbi 200 profesionistë të vendit me të cilët bashkërisht kemi ndërtuar një plan ambicioz për Republikën. Kam zhvilluar takime me media e gazetarë, shoqëri civile, profesorë universitarë e biznese që përbëjnë mbi 80% të ekonomisë sonë. Kam marrë mendimet e tyre; u kam shpalosur rrugën tonë përpara. Kam vizituar ndërmarrës të mëdhenj e familjarë, individë me arritje spektakulare, grupe përfaqësuese e vet punëtorë të palodhshëm të vendit tonë. Kam marrë më të mirën e tyre – dijet, pikëpamjet e vizionet që kanë”, ka shkruar ai.
Abdixhiku tha se gjatë ditës do të prezantojë edhe pjesën e dytë të zotimeve.
