Abdixhiku në “Facebook’ ka thënë se LDK-ja është mirënjohëse për ndihmën historike dhe aktuale të Qeverisë së SHBA-së, për Republikën e Kosovës.
Teksa ka theksuar edhe shqetësimin e tij, dhe të LDK-së, për shkallën që sipas tij, institucionet e Kosovës e kanë degraduar raportin me Qeverinë amerikane.
“Z.Escobar i prezantuam dhe pikëpamjet tona mbi gjendjen e fundit të sigurisë në Kosovë, si dhe nevojën e koordinimit të ngushtë të institucioneve të Kosovës me SHBA-të dhe me partnerët e tjerë. Koordinimi i tillë është garanci për të kapërcyer të gjitha sfidat.Në frymën e diskutimit që pata sot në Departamentin e Shtetit, shpreh edhe një herë shqetësimin tim dhe të LDK-së për shkallën në të cilën institucionet e Kosovës e kanë degraduar raportin me Qeverinë amerikane”, ka shkruar ai.
I pari i LDK-së u ka bërë thirrje institucioneve të vendit për bashkëpunim të ngushtë me ShBA-në, në funksion të sundimit të ligjit në gjithë territorin e Kosovës.
“Edhe një herë, u bëj thirrje institucioneve të vendit që të bashkëpunojnë ngushtë me SHBA-të dhe partnerët e tjerë, në funksion të shtrirjes së sundimit të ligjit në të gjithë territorin e Kosovës, të sigurisë dhe të prosperitetit për të gjithë”, shtoi ai./teve1.info./