Kryetari i Lidhjes Demokratike të Kosovës, Lumir Abdixhiku përmes një videoje ka thënë se derisa po hyjmë në vitin e tretë të qeverisë, le t’i numërojmë mashtrimet e mëdha të pushtetit.
Abdixhiku ka thënë se Kosova meriton më mirë dhe mundet më shumë, teksa ka theksuar se propagandën e pushtetit, sipas tij, duhet ta ballafaqojmë me të vërtetën dhe faktet.
“Premtuan ndërtimin e 160 çerdheve por në prag të vitit të tretë, nuk është ndërtuar asnjë. Premtuan ndërtimin e 4000 banesave për çifte të reja me 120 euro këst mujor, por sot dy vite pas nuk kemi as gurthemel për to. Dhe jo vetëm kaq në krizën më të madhe ekonomike të vendit rritën tatimin në pronë”, tha ai.
Teksa sipas tij, zbrazja e Kosovës po ndodhë në Qeverinë Kurti.
“Gjatë ditëve në vijim do t’i ndajmë dhe planet tona për të ardhmen për ekonomi, për shëndetësi, për arsim për drejtësi, për familje e për rini. Do të flasim për ndryshimin në të ardhmen sepse e shkuara s’na ndryshon dot”, ka thënë ai./teve1.info./
