“Prandaj, pa themelimin e këtij Komisionit Hetimor në Kuvend, pa gjetjen e së vërtetës rreth krizës energjetike në Kosovë – asnjë nismë tjetër parlamentare nuk do të merr mbështetjen e Lidhjes Demokratike të Kosovës. LDK nuk do të mbështetë asnjë nismë parlamentare pa u themeluar Komisionit Hetimor dhe pa gjetjen e së vërtetës për punësimet në KEK”, ka thënë Abdixhiku.
Ai përmes një shkrimi në Facebook, ka thonë se mazhoranca sot refuzoi të themelohet ky komision. Ky refuzim hetimi, thotë Abdixhiku, është shenjë frike e pushtetit rreth së vërtetës që megjithatë do të zbardhet herët apo vonë, shkruan teve1.info.
“Mazhoranca parlamentare sot refuzoi formimin e Komisionit Hetimor Parlamentar për krizën energjetike – një kërkesë legjitime e jona për zbardhjen e së vërtetës mbi shpenzimin e 100 milionë eurove subvencione e shtrenjtimit të faturave energjetike deri në 100%. Pjesë e hetimit do të ishin edhe punësimet nepotike në KEK. Ky refuzim hetimi, është shenjë frike e pushtetit rreth së vërtetës që megjithatë do të zbardhet herët apo vonë. Sa më i fortë refuzimi, aq më i domosdoshëm bëhet hetimi. Dhe sa më i domosdoshëm hetimi, aq më e drejtë bëhet kërkesa jonë për të”, hak shtuar i pari i LDK-së.
Abdixhiku po ashtu tha se kjo sjellje e shumicës parlamentare është parandalon ushtrimin e detyrimeve kushtetuese të Parlamentit mbi Qeverinë. Ai tha se kjo praktikë është kundërkushtetuese.
Sjella e mazhorancës, si tregues i arrogancës së numrave që parandalon ushtrimin e detyrimeve kushtetuese të Parlamentit mbi Qeverinë, është praktikë kundërkushtetuese. E njëjta s’mund të vazhdojë. Kemi qenë konstruktiv në secilën nismë; kemi qenë mbështetës në secilin interes. Kjo sjellje e jonë duket se është marrë si e mirëqenë. Sot, s’ka interes tjetër më madhor se sa hetimi i shtrenjtimit enorm të faturave që prekin secilën shtëpi e familje në Kosovë – e zbardhja e fatit të qindra milionave të shpërndara si subvencion. Kushdo që frikohet nga ky hetim, ka se çfarë të tregojë”, ka shkruar Abdixhiku në Facebook, transmeton teve1.info.
