Kryetari i Lidhjes Demokratike të Kosovës, Lumir Abdixhiku në emër të partisë së tij, ka shprehur ngushëllime për familjarët e viktimave që kanë humbur jetën nga tërmeti në Turqi e Siri.
Abdixhiku ka thënë se qytetarët e Kosovës, bashkëndjejnë dhimbjen dhe solidarizohen me qytetarët e Turqisë dhe Sirisë në këto momente.
“Në emër të Lidhjes Demokratike të Kosovës u shprehë ngushëllime të gjitha familjeve për viktimat e tërmetit të tmerrshëm që i goditi këtë mëngjes. Të gjithë qytetarët e Kosovës bashkëndjejmë dhimbjen dhe solidarizohemi me qytetarët e të dyja vendeve në këto momente të vështira. Lutemi për viktimat dhe familjet e tyre”, ka thënë Abdixhiku.
Ndryshe, një tërmet i fuqishëm ka goditur një zonë të gjerë në Turqinë juglindore, pranë kufirit me Sirinë, duke vrarë shumë njerëz dhe duke bllokuar disa të tjerë./teve1.info
https://teve1.info/rajonibota/mediat-nderkombetare-raportojne-per-mbi-500-te-vdekur-pas-termetit-ne-turqi-e-siri/
