Kryetari i Lidhjes Demokratike të Kosovës, Lumir Abdixhiku ka marrë pjesë në një tubim me qytetarët në Klinë, ku ka prezantuar kandidatët e partisë për deputetë, Astrit Deskun me numër 49 dhe Kushtrim Krasniqin me numër 97.
Abdixhiku tha se vendi ka humbur katër vite të rëndësishme në aspektin e zhvillimit ekonomik dhe mirëqenies së qytetarëve, duke përmendur rritjen e kostos së jetesës, largimin e të rinjve dhe mungesën e mbështetjes për bizneset.
Ai theksoi se programi i LDK-së synon të sjellë ndryshim përmes rritjes së pagave, mbështetjes për familjet, krijimit të vendeve të reja të punës dhe investimeve në sektorët kyç, si energjia, arsimi dhe shëndetësia.
“Qytetarët meritojnë më shumë mundësi, më shumë siguri dhe një ekonomi që krijon perspektivë për secilin,” u shpreh Abdixhiku para të pranishmëve.
Në kuadër të tubimit, LDK prezantoi edhe kandidatët për deputetë nga Klina, Astrit Deskun dhe Kushtrim Krasniqin, duke kërkuar mbështetjen e qytetarëve në zgjedhjet e ardhshme./teve1.info/
