Kandidati i LDK-së për kryeministër, Lumir Abdixhiku, ka prezantuar në Kaçanik disa nga zotimet e programit të tij, me fokus mbështetjen e familjeve dhe politikave sociale.
Ai tha se Lidhja Demokratike e Kosovës synon ta vendosë familjen në qendër të politikave shtetërore, përmes krijimit të Ministrisë së Familjes.
Sipas Abdixhikut, një nga masat kryesore do të jetë mbështetja financiare për të porsalindurit, me 200 euro në muaj gjatë vitit të parë të jetës, që në total kap vlerën prej 2,400 eurosh.
Ai shtoi se programi parasheh edhe mbështetje mujore për fëmijët deri në moshën 16-vjeçare, me qëllim që familjet të kenë përkrahje të vazhdueshme nga shteti dhe jo vetëm në periudha zgjedhore.
