Kryetari i Lidhjes Demokratike të Kosovës, Lumir Abdixhiku ka marrë pjesë në hapjen e fushatës së kësaj partie në Mitrovicë të Jugut, ku është prezantuar kandidati për kryetar i kësaj partie, Gëzim Plakolli dhe lista për asamble.
Ai ka thënë se ky ekip është garanci që do veprimet do të merren me përgjegjësi e transparencë.
Abdixhiku ka thënë se LDK mbetet garancia e ndryshimit të vërtetë.
“Gëzimi nuk është vetëm. Përkrah tij është një ekip i tërë, lista e Lidhjes Demokratike për Asamblenë Komunale të Mitrovicës. Janë gra dhe burra të ndershëm, profesionistë, qytetarë që nuk hyjnë në politikë për privilegje, por për shërbim. Ky ekip është garancia që fjala e dhënë do të kthehet në vepra. Ky ekip është ura mes qytetarëve dhe qeverisjes lokale. Ky ekip është garancia që vendimet do të merren me përgjegjësi e transparencë. LDK është gjithmonë aty ku qytetarët kërkojnë shpresë, stabilitet dhe punë konkrete. Ne jemi partia e zhvillimit, e ligjshmërisë, e demokracisë dhe e orientimit euro-atlantik. Në Mitrovicë, si kudo tjetër në Kosovë, LDK mbetet garancia e ndryshimit të vërtetë”, ka shkruar ai.
