Kryetari i Lidhjes Demokratike të Kosovës, Lumir Abdixhiku ka reaguar pas akuzave që janë bërë ndaj kësaj partie, për mosvotimin në lexim të parë të projektligjit për plotësim ndryshim të Dhomave të Specializuara.
Abdixhiku ka thënë se rruga e LDK-së është e Kosovës së lirim të pavarur me miqësi me Amerikën.
Ai ka thënë se “UÇK-ja është edhe gjaku ynë”
“Rrugën e Ibrahim Rugovës. Të Kosovës së lirë, të pavarur e në miqësi të përhershme me Amerikën. UÇK-ja është edhe gjaku ynë. Me Amerikën e NATO-n na lidh vetë liria. Asnjë tregtari patriotizmi nuk ia lejojmë ta përvetësojë historinë që e bëmë bashkë. Kemi rrënjë të forta. Etiketimet nuk na e ndryshojnë bindjen. Kërcënimet nuk na e përcaktojnë qëndrimin. Na keni ngatërruar me mercenarët”, ka shkruar ai.
Sa i përket situatës politike ai ka thënë se po të dëgjohej LDK-ja, vendi sot do të kishte institucione.
“LDK-ja e di edhe të mbarën për vendin. Po të ishte dëgjuar vizioni ynë, sot do të kishim President dhe stabilitet balancues. Kosova do të kishte angazhim institucional për mbrojtjen e së vërtetës së luftës tonë në botë. Nuk u dëgjua. U luftua me çdo mjet!Ja ku mbetëm sot. Pa institucione, pa mundësi mbrojtjeje, pa kohezion minimal në vend”, ka shkruar ai.
