I pari i Lidhjes Demokratike të Kosovës, Lumir Abdixhiku, ka marrë ftesë nga autoritetet franceze për një vizitë zyrtare në Paris.
Arsyeja e kësaj vizite është procesi i dialogut mes Kosovës dhe Serbisë, si dhe proceset integruese të Kosovës në strukturat euro-atlantike.
“Gjatë ditëve në vijim Abdixhiku do të takohet me zyrtarë institucional të shtetit të Francës, për të diskutuar lidhur me zhvillimet e fundit politike, dialogun dhe rrugën integruese të Kosovës në strukturat euroatlantike”, thuhet në komunikatën e LDK-së.
Partitë opozitare janë kritikuar nga ShBA, ku janë shprehur të shqetësuar me qëndrimet e dy partive kryesore LDK e PDK ndaj planit të BE-së që flet për procesin e normalizimit mes Kosovës dhe Serbisë.
