Kryetari i Lidhjes Demokratike të Kosovës në konferencën e parë pas publikimit të rezultateve, ka thënë rezultati i sotëm është rezultat i një pune të jashtëzakonshme e i një bashkimi me Vjosa Osmanin.
“LDK sonte shënon rritjen më të madhe që një subjekt politik ka shënuar në këto zgjedhje”, ka thënë Abdixhiku
Ai ka thënë se kjo rritje është një “mbështetje për vizionin që kemi nisur. Me 20 mandate LDK është e stabilizuar”, u shpreh Abdixhiku.
Abdixhiku ka thënë se mesazhi i qytetarëve duhet të lexohet qartë dhe drejtë.
Ai ka thënë se shumica shqiptare ka një përfaqësim të ri dhe se LDK do të angazhohet për të formuar një platformë që i shërben vendit
“Sonte pamë një refuzim të qartë të këtij stili qeverisës. Humbja e rreht 200 mijë votave nga partia në pushtet, është sinjal politik që nuk mund dhe nuk duhet të durohet. Shumica shqiptare sot ka një përfaqësim tjetër politik dhe një mesazh tjetër politik, që duhet të dëgjohet me qetësi dhe përgjegjësi dhe maturi. LDK, që nga nesër do të angazhohet me seriozitet të plotë në krijimin enjë platforme politike që i shërben Republikës së Kosovës”, tha Abdixhiku.
Ai ka thënë se LDK ka vija të kuqe vetëm për Listën Serbe. Kryetari i LDK-së tha se tema e parë e bisedimeve është çështja e presidentit, dhe siç ka thënë ai, LDK ka kanidaten.
“Ne kemi qenë të gatshëm për bisedime me të gjitha partitë shqiptare, përveç Listës Serbe. Dhe jemi të vetëdijshëm se çështja e presidentit do të jetë çështja e parë që do të diskutohet. Ne kemi kandidaten tonë dhe ajo do të jetë pikënisja e çdo bisedimi”, ka deklaruar Abdixhiku.
/teve1.info/
