I pari i Lidhjes Demokratike të Kosovës, Lumir Abdixhiku, ka thënë se normalizimi i marrëdhënieve ndërmjet Kosovës dhe Serbisë duhet të bazohet në parimet themelore të njohjes reciproke të dy vendeve.
Abdixhiku përmes shkrimit autorial op-ed në Euractiv, ka thënë se anëtarësimi i Kosovës në aleancën e NATO-s duhet të jetë një hap i natyrshëm për përmbyll angazhimin perëndimor tre-dekadash të vendit, raporton teve1.info
“Normalizimi i marrëdhënieve ndërmjet Kosovës dhe Serbisë duhet të bazohet në parimet themelore të njohjes reciproke të dy vendeve, duke respektuar plotësisht integritetin territorial të njëri-tjetrit”, ka shkruar deputeti.
Tutje ai ka shkruar se: “Gjatë muajve të ardhshëm, përpjekjet për normalizimin e marrëdhënieve ndërmjet Kosovës dhe Serbisë do të arrijnë një pikë kritike. Në ndjekje të një përfundimi të suksesshëm të dialogut, SHBA dhe BE duhet të mbështesin ankorimin e pakthyeshëm të Kosovës në Perëndim dhe të shmangin ndërhyrjet malinje nga Rusia dhe Kina”.
Dhe që sipas tij, kjo mund të bëhet vetëm përmes një anëtarësimi të plotë në NATO.
“Kjo mund të bëhet vetëm përmes një anëtarësimi të plotë në NATO. Për këtë qëllim, njohja formale e Kosovës nga të gjithë anëtarët e NATO-s dhe BE-së është një parakusht i domosdoshëm”, ka deklaruar Abdixhiku.
