Ai me rastin e këtij takimi ka bërë të ditur se takimet brenda LDK-së me ndërkombëtarë do t’i mbajë në vazhdimësi dhe sipas tij dyert e debatit me LDK-në janë të hapura.
“Takimet bashkëbiseduese brenda LDK-së, me akterë të brendshëm e ndërkombëtarë pa dallim, do t’i mbajmë në vazhdimësi – për të kuptuar në njërën anë bindjen e të tjerëve për ne, e për t’i shtruar bindjet e mendimet tona tek të tjerët. Dyert e debatit me LDK-në janë të hapura”, ka thënë ai.
Përmes një postimi në Facebook, Abdixhiku thotë se ky delegacion sot ka shpeh interesim për gjendjen politike në Kosovë dhe të ardhmen që po e synon shoqëria kosovare, shkruan teve1.info.
“Në zyret e LDK-së, sot prita për bashkëbisedim një delegacion njëzet anëtarësh – doktorantë e profesorë universitarë nga Gjermania. Pjesëmarrësit, bursistë të KAS, së bashku me profesoreshën dhe nënpresidentin e fondacionit, Dr. Beate Neuss, shprehën interesim për gjendjen politike në Kosovë dhe të ardhmen që si shoqëri po synojmë. Studiuesit e marrëdhënieve ndërkombëtare e të çështjeve të sigurisë shtruan pyetje e tema diskutimi mbi ambiciet tona euro-atlantike si shtet dhe vizionin tonë politik si parti”, ka shkruar ai./Teve1.info/
