Kryetari i Lidhjes Demokratike të Kosovës, Lumir Abdixhiku ka deklaruar pasurinë e tij për vitin 2022, në Agjencinë Kundër Korrupsionit.
Ai ka deklaruar se posedon një shtëpi në emër të përbashkët me bashkëshorten e tij me vlerë 200 mijë euro si dhe një tjetër në emër të tij në vlerë prej 150 mijë euro, që sipas tij është e trashëguar.
Përveç këtyre ai ka deklaruar edhe një tokë të trashëguar me vlerë 90 mijë euro si dhe një veturë me vlerë 25 mijë euro.
Abdixhiku i ka deklaruar 10.600 euro para të gatshme në bankë, si dhe ka një overdraft prej 6 mijë eurosh.
Ai ka deklaruar edhe 32.500 euro kredi në emër të bashkëshortes së tij – që sipas tij janë përdorur për rinovim të shtëpisë.
Abdixihiku ka deklaruar se merr të ardhura vjetore 18.591 euro nga Kuvendi dhe 24 mijë euro nga kolegji “Riinvest” ku punon si ligjërues.
KËTU mund ta shihni pasurinë e Abdixhikut.
