Kryetari i LDK-së Lumir Abdixhiku, e ka pritur në takim një delegacion të partisë austriake OVP, në përbërje të eurodeputetit, Lukas Mandl, si dhe një ekipi deputetësh e politikanësh austriakë me shumë përvojë.
Abdixhiku njoftoi se në fillim të takimit, theksoi vlerat e përbashkëta që Lidhja Demokratike e Kosovës dhe OVP ndajnë si parti të qendrës së djathtë.
“Po ashtu, nënvizova bashkëpunimin tonë të ngushtë në kuadër të Partive Popullore Evropiane (EPP), si dhe mbështetjen e përhershme që kancelarët e Austrisë i kanë dhënë rrugëtimit euroatlantik të Kosovës”, deklaroi Abdixhiku në një postim në Facebook.
Tutje, kreu i Lidhjes Demokratike të Kosovës, theksoi se me delegacionin austriak ndava përvojën e shtetndërtimit të Kosovës, sfidat dhe sukseset.
“Austria ka qenë dhe mbetet një partner i qëndrueshëm i Kosovës në çdo etapë të zhvillimit tonë”.
