Kompania Walt Disney njoftoi të hënën se shfaqja e vonë e Jimmy Kimmel do të rikthehet në transmetim gjashtë ditë pasi prodhimi u ndërpre për shkak të komenteve kontraverse të komedianit mbi vrasjen e aktivistit të krahut të djathtë Charlie Kirk.
“Të mërkurën e kaluar, morëm vendimin për të pezulluar prodhimin e serialit për të shmangur përshkallëzimin e mëtejshëm të një situate të tensionuar në një moment emocional për vendin tonë”, tha Disney në një deklaratë.
“Është një vendim që e morëm sepse menduam se disa nga komentet ishin të papërshtatshme dhe për këtë arsye të pandjeshme.”
Gjatë transmetimit të emisionit Jimmy Kimmel Live! më 15 shtator, monologu hapës i komedianit u zhvendos te Kirk, i cili u qëllua për vdekje më 10 shtator ndërsa fliste në një universitet në shtetin e Utah-ut.
“I kemi kaluar ditët e fundit duke zhvilluar biseda të thella me Jimmy-n dhe, pas këtyre bisedave, morëm vendimin për ta rikthyer shfaqjen të martën”, tha ajo.
Përpara episodit që i referohej Kirk dhe Robinson, Kimmel i shprehu ngushëllimet e tij familjes së Kirk në mediat sociale.
