Deputeti i pavarur, Haki Abazi, tha se ndalimi i punës së Komisionit Hetimor për Energjinë do të ishte në interes të shefes së Grupit Parlamentar të Lëvizjes Vetëvendosje, Mimoza Kusari-Lila.
Madje sipas tij, kjo e fundit ka privatizuar distribucionin e energjisë elektrike.
“Mund të jap shembullin konkret të themelimit të Komisionit Hetimor Parlamentar për Energjinë, ka qenë interes i Mimoza Kusarit-Lila, që ky komision të abortojë punën e tyre, për ta nxjerrur realisht një raport i cili nuk i hyn askujt në punë. E mbi të gjitha, nuk e nxjerr rolin e Kusarit-Lila, si një nga ministret që ka privatizuar distribucionin e energjisë elektrike”, deklaroi Abazi në emisionin “Këndi i Debatit”.
Ndërkaq, i pyetur se a e ka në plan t’i bashkëngjitet ndonjë grupi tjetër parlamentar, Abazi tha se është më e rëndësishme të theksohet që ai nuk ka bërë tradhti ndaj votës.
“Unë jam tradhtuar brenda procesit të realizimit të premtimeve”, shtoi Abazi në Tëvë1.
Tutje, Abazi tha se ka një numër të madh të deputetëve tjerë, të cilët janë plotësisht të pakënaqur me formën e menaxhimit të grupit parlamentar të Vetëvendosjes./teve1.info/.
