Deputeti Haki Abazi i ka paraqitur disa pyetje lidhur me dakordimin që e bëri mbrëmë kryeministri Kurti rreth aneksit të zbatimit të marrëveshjes për normalizimin e marrëdhënieve, para se siç ka shkruar ai “të paraqiten bombolat e gazit lotsjellës në parlament”.
Abazi ka pyetur se pse vetëm pika e 7 e marrëveshjes është urgjente për zbatim.
“A do të vetmenagjojnë komunat Serbe nëpërmjet strukturave të tyre “Komunat paralele” që sot menagjojnë apo ato do të shuhen dhe do të krijohen të reja?”, është një pyetje tjetër e Abazit.
Ai po ashtu ka pyetur se pas këtij dakordimi, a do të mbahen zgjedhjet e lira në veri dhe a do të lejohet FSK-ja të paraqitet atje.
