Deputeti Haki Abazi e ka quajtur mashtrim dhe deformim të fakteve historike, shkrimin e kryeministrit Kurti për ish-kryeministrin serb Zoran Gjingjiq, i cili e quajti atë lider që nuk bashkëpunoi me Millosheviqin dhe shtoi se në kohën e tij ishte periudha e vetme kur lulëzoi demokracia në Serbi.
“…Është tentim për të kamufluar veten si një internacionalist i rajonit që në tryezën e munguar ku ulën vajtuesit e vegjëlisë së përvuajtur flasin për aftësinë për të gjetur edhe heronjët e armikut. Kjo është vogëlsi, ky është akt i turpërimit me një inferioritet të paparë. Rehabilitim pa nevojë!”, ka shkruar Abazi.
Ndërsa ka shtuar se Gjingjiqi nuk kishte kërkuar asnjëherë falje për krimet e luftës të shkaktuara në Kosovë.
“Sa herë Djindjic ka kërkuar falje për vrasjen e Shqiptarëve, për kamionat frigorifer në lumenjët e Serbisë apo për varrezat masive në Batajnicë? Ai i ka pasë në tavolinën e tij të gjitha dosjet e këtyre veprimeve dhe ka vendosur të heshtë dhe të luaj lojën bizare të njohur të elitave Serbe”, shkruan tutje Abazi.
