Deputeti i pavarur Haki Abazi, i cili është larguar nga Vetëvendosje, ka akuzuar shumicën në Kuvend, pasi sipas tij po përpiqen ta humbin vëmendjen nga skandali me Milan Radojçiqin duke përmendur organizimin e Lojërave Mesdhetare 2030.
Abazi në fillim të seancës së Kuvendit, e para për sesionin vjeshtor ka hedhur disa fletushka me mbishkrimin “E di Sllavko” në fotografinë e Kusari-Lilës me Milan Radojçiqin.
“Asnjë rezultat pozitiv në veri nuk ka përveç tensioneve. Vrasja e gruas shtatzënë në oborrin e QKUK është dështim i sistemit të drejtësisë dhe policisë. Vazhdim total i degradimit dhe mafisë ndërtimore, një zhurmë e VV që ka bërë shumë zhurmë para se të vinte në pushtet”.Asnjë njohje ndërkombëtare, për turp marrëdhëniet ndërkombëtare. Largimi i trurit vazhdon, brengosja më e madhe. Më kujtohet biseda me kryeministrin Kurti kur flisnim për ikjen në vitet e 90-ta, ndërsa Sot në qeverisjen tonë po vazhdon”, tha Abazi.
