Ai përmes një postimi në Facebook, ka thënë se reformimi i gjyqësorit është prioritet.
Abazi ka drejtuar kritika edhe ndaj Qeverisë, duke thënë se besimin e qytetarëve e kanë marrë për ndryshim dhe jo vazhdim i “avazit të vjetër”.
“Ka rëndësi veprimi jo deklarimi dhe frazat. Reformimi i qeverisë dhe reformimi i gjyqësorit është imperativ urgjent dhe prioritet . Lëshimi i Pantiq në arrest shtëpiak është dështim i gjithë zingjirit institucional. Nuk bëhet shteti me njerëz që kanë privatizuar e kanë kriminalizuar sektorët vital në të kaluarën. Ne kemi marrë besimin për ndryshim dhe jo tolerim të avazit të vjetër. Sa bëni luftë e linçim të atyre që nuk mendojnë njëjtë dhe angazhoni luftë speciale kundër atyre që nuk mendojnë sikur Mihaili do të duhej të sqaroni pse keni adaptuar metodat e njëjta sikur këta që ishin në qeverisje të vendit deri para dy viteve”, ka shkruar ai, transmeton teve1.info.
Ndërsa, zëdhënësi i Vetëvendosjes e ka quajtur tradhëti lirimin e Pantiqit.
“Ky aktlirim është akttradhëti”, ka shkruar Manxhuka.
I habitur me këtë vendim është shprehur edhe kryeministri i Kosovës, Albin Kurti.
Ndërsa, më kërkesë të Prokurorisë Speciale, Gjykata Themelore në Prishtinë të mërkurën ka marrë vendim për zëvendësimin e paraburgimit me arrest shtëpiak për Dejan Pantiq.
Pantiq, ish-polic i Kosovës, u arrestua më 10 dhjetor në pikën kufitare të Jarinjës. Sipas autoriteteve të Kosovës, ai dyshohet për organizmin e “sulmit terrorist” të 6 dhjetorit ndaj zyrtarëve të Komisionit Qendror të Zgjedhjeve.
