Aleanca për Ardhmërinë e Kosovës (AAK) ka zyrtarizuar sot kandidatët për komunat e Lipjanit dhe Shtimes, në kuadër të përgatitjeve për zgjedhjet lokale që pritet të mbahen në vjeshtë të këtij viti.
Në Komunën e Lipjanit, AAK do të garojë me Bashkim Budakovën, një profesionist me përvojë të gjatë në sektorin e arsimit dhe një përfaqësues i dëshmuar në Kuvendin Komunal. Kryetari i AAK-së, Ramush Haradinaj, e ka cilësuar Budakovën si:
“Një njeri me integritet të lartë, i afërt me komunitetin dhe i palëkundur në mbrojtjen e interesit publik.”
Ndërkohë, në Komunën e Shtimes, kandidati i Aleancës do të jetë Ramë Bislimi, i cili, sipas Haradinajt, është:
“Një figurë e respektuar nga qytetarët, i njohur për maturi, ndershmëri dhe lidership të natyrshëm.”
Me këto dy kandidatura, AAK ka përmbyllur procesin e nominimeve për të gjitha komunat në zgjedhjet lokale të këtij viti.
