Aleanca për Ardhmërinë e Kosovës (AAK) sot do të mbajë takim me përfaqësues nga ekonomia me bizneset e sektorit privat.
Në komunikatën për media, AAK ka bërë të ditur se takimi do të realizohet nga ora 11:00 në ambientet e Kuvendit të Kosovës.
Këto takime AAK po i mbanë në kuadër të ciklit të diskutimeve mbi situatën në vend.
Nga partitë opozitare edhe Lidhja Demokratike e Kosovës (LDK) ka organizuar takime të tilla.
“Grupi Parlamentar i AAK-së, në kuadër të ciklit të diskutimeve lidhur me gjendjen e rëndë në vend, organizon tryezë diskutimi me përfaqësues nga ekonomia, me bizneset e sektorit privat si punëdhënësit më të mëdhenj në vend. Tryeza mbahet nesër, më datë 31 korrik, në ora 11:00, në sallën nr. 506 në ambientet e Kuvendit të Republikës së Kosovës”, thuhet në komunikatë./teve1.info/
