Aleanca për Ardhmërinë e Kosovës është duke e shqyrtuar ftesën që kanë marrë nga kryeministri, Albin Kurti për një takim më 13 maj.
“Jemi në shqyrtim të pjesëmarrjes”, ka thënë për teve1.info zëdhënësi i AAK-së, Lulezim Blaka.
Ndërsa kryetari i LDK-së, Lumir Abdixhiku, ia ka kthyer letrën kryeministrit Albin Kurti, ku ka thënë se nuk do të marrë pjesë në darkën e ftuar.
Ai e ka konsideruar të vonuar ftesën për të krijuar klimë bashkëpunimi në Kuvend.
Kurse, PDK ka pranuar ftesën e kryeministrit të Kosovës, Albin Kurti, për t’u takuar një në dark pune.
Kurti i ka ftuar për të hënën në një darkë pune liderët e tri partive parlamentare opozitare, Partisë Demokratike të Kosovës, Lidhjes Demokratike të Kosovës dhe Aleancës për Ardhmërinë e Kosovës për të diskutuar rreth përmbushjes së agjendës legjislative për sezonin pranveror.
