Aleanca për Ardhmërinë e Kosovës vlerëson se procesi i Testit të Arritshmërisë dhe Maturës, është mbikëqyrur në mënyrë kaotike dhe profesionale.
“Është e papranushme tendenca e MASHT-it për të shpërndarë përgjegjësinë, ku s’i kursyen as nxënësit, për një proces për të cilin nuk siguroi as menaxhim, as mbikqyrje, as informim, as cilësi. Në fakt, nxënësit janë viktima të një menaxhimi të dobet”, ka shkruar Besnik Tahiri, shef i deputetëve të AAK-së.
AAK ka bërë të ditur se është e hapur për komunikim me prindër për çfarëdo pakënaqësie lidhur me mbarëvajtjen e këtyre testeve.
“Pas daljes së rezultateve dhe me evidentimin e menaxhimit të keq, do të bëjmë dy veprime:
- Do të ftojmë në interpelancë ministren e MAShT-it;
- Do të kërkojm votim të një Rezolute për suspendimin e këtij procesi, gjithmonë në bazë të evidencës”, ka shkruar Tahiri në Facebook.
