Kandidati i Aleancës për Ardhmërinë e Kosovës (AAK) për kryetar të Prishtinës, Bek Berisha, ka prezantuar listën e kandidatëve të partisë për Asamblenë Komunale të kryeqytetit.
Në një postim në rrjetin social Facebook, Berisha ka shkruar se lista përfaqëson një “forcë të unifikuar të njerëzve që e duan këtë qytet me zemër e shpirt”, duke përfshirë të rinj me energji të freskët dhe profesionistë me përvojë.
“Nga lagjet e qeta e deri te rrugët plot jetë, zëri ynë vjen i larmishëm, me të rinj plot guxim dhe profesionistë me përvojë, krah për krah, për të sjellë ndryshim aty ku nevojitet më së shumti. Me sinqeritet, bashkëpunim dhe besim se Prishtina meriton më të mirën, jemi gati të punojmë për ju, me ju!”, ka shkruar Berisha.
