Aleanca për Ardhmërinë e Kosovës (AAK), sot do të dorëzojë në Institucionin e Avokatit të Popullit, Ligjin për Skemat Pensionale Kontributdhënëse, me qëllim të procedimit të këtij ligji për interpretim në Gjykatën Kushtetuese.
Kjo do të bëhet nga deputeti i AAK-së, Shemsedin Dreshaj.
“Nesër në orën 10:00, deputeti i AAK-së, Shemsedin Dreshaj dorëzon në Institucionin e Avokatit të Popullit, Ligjin për Skemat Pensionale Kontributdhënëse, me qëllim të procedimit të këtij Ligji për interpretim në Gjykatën Kushtetuese. Me këtë rast, deputeti Dreshaj do të deklarohet para mediave lidhur me këtë çështje, tek hyrja e objektit të Institucionit të Avokatit të Popullit”, thuhet në njoftimin e AAK-së.
Ky ligj kishte kaluar në Kuvendin e Kosovës më 27 korrik të këtij viti, ku 62 deputetë votuan pro, ndërsa nuk pati asnjë votë kundër e asnjë abstenuese./teve1.info/
