Ndërsa nga opozita, ditëve të fundit u tha se ky aplikim ka dështuar, së fundmi përmes një postimi në Twitter ka reaguar edhe deputeti gjerman nga radhët e CDU-së, Knut Abraham.
“Tetë muaj më parë Kosova aplikoi për anëtarësim në Këshill të Evropës. Që nga atëherë nuk ndodhi asgjë. Sot e pyeta Komitetin e Ministrave kur ata përfundimisht planifikojnë ta referojnë kërkesën e Kosovës për opinion në Asamblenë Parlamentare?”,pashkruar ai.
E ish-ambasadori i Kosovës në Shqipëri, Nait Hasani në emisionin ResPublika tha se Kosova ka dështuar në këtë proces.
“Këshilli i Evropës e refuzoi kërkesën e Kosovës. Ato janë mbrojtje, ajo është mbyllur si proces, ajo mund ta bëjmë kërkesën rishtazi”, tha Hasani.
Por, në Ministrinë Jashtme thonë se aplikimi nuk ka dështuar.
“Anëtarësimi i Republikës së Kosovës në Këshillin e Evropës nuk është votuar kundër dhe nuk ka dështuar. Përkundrazi, që nga 12 maji i vitit 2022 janë bërë përparime të rëndësishme përgjatë procesit të anëtarësimit”, thotë MPJD.
Analistja Arta Tahiri thotë se nga muaji mars mund të shohim rezultatet e para të Aplikimit të Kosovës në Këshillin e Evropës.
“Gjersa nuk kemi një deklaratë ose një aprovim zyrtarë nga Këshilli i Evropës nuk do e thosha që është një dështim anëtarësimi i Kosovës në Këshill të Evropës … Kosova është në favor për të qenë pjesë e Këshillit të Evropës dhe sipas mendimeve të mija mendoj që nga marsi mund të merret një përgjigje pozitive që Kosova mund të jetë tashmë edhe funksionale si anëtare e Këshillit të Evropës”, tha ajo.
Rruga e Kosovës drejt Këshillit të Evropës besohet të jetë hapur që nga dita kur Rusia u largua nga ky Këshill.
Kronikae gazetarit Valmir Gallopeni.
