Të martën zhvilloi takime zyrtare në Kosovë.
Por kryesuesja e OSBE-së, Elina Valtonen nuk e takoi kryeministrin në detyrë, Albin Kurti dhe kryediplomaten në detyrë, Donika Gërvalla.
Mos takimi me ta, ngjalli kureshtje të gazetarëve.
“Më lejoni të shprehem kështu: Shpresojmë fuqimisht që shumë shpejt të gjendet një zgjidhje për ngërçin aktual në Kuvend dhe Qeveri”, u shpreh ajo.
Më 28 gusht, Bashkimi Evropian ka njoftuar se përkohësisht do të pezullojë mbajtjen e takimeve me kryeministrin në detyrë Albin Kurti dhe me ministrat e kabinetit të tij brenda ndërtesës së Qeverisë së Kosovës, deri në formimin e një qeverie me mandat të plotë.
Mirëpo, Zëdhënësi i ekzekutivit, Përparim Kryeziu tha se së fundi, kryeministri Kurti ka mbajtur takime pune brenda zyrës në qeveri.
“Kushdo që kërkon takim me Kryeministrin në detyrë të Republikës së Kosovës, duhet të vijë në vendin ku punon Kryeministri në detyrë i Republikës së Kosovës. Gjithsesi kjo nuk do të thotë që ai nuk mbanë takime pune edhe jashtë zyrës së tij. Takime jashtë mjediseve të kryeministrisë kanë ndodhur edhe në të kaluarën edhe gjatë kohës sa ka qenë me mandat të plotë, por ato gjithmonë janë aranzhuar në dakordim të plotë të palëve. Kryeministri në vazhdimësi pret palë, zyrtarë dhe përfaqësues të shteteve në zyrën e tij. Së fundmi e kemi rastin me takimet mirëseardhëse me ambasadorët e ri të Finlandës dhe Sllovenisë, dhe Komisionerin e Lartë të OSBE-së Pakicat Kombëtare”, ka thënë Kryeziu.
E njohësi i zhvillimeve politike, Albinot Maloku ka analizuar pezullimin e takimeve në zyrë të kryeministrisë.
Tëvë1 për pezullimin e takimeve në kryeministri, ka dërguar pyetje edhe në Zyrën e Bashkimit Evropian në Kosovë, por deri në momentit të publikimit të kronikës, nuk ka marrë përgjigje.
