Në protestën e organizuar nga OVL e UÇK-së kundër Gjykatës Speciale, fjalim mbajti edhe Ali Ahmeti, kryetari i Bashkimit Demokratik për Integrim në Maqedoninë e Veriut dhe ish – anëtarë i UÇK-së.
Ndonëse kishe zëra që kjo protestë kishte qëllime politike, përfaqësuesi i OVL-UÇK-së, Rafet Llapashtica ka thënë se në të gjitha degët kanë lobuar që protestës të mos i jepet konotacion politik.
Madje ai ka thënë se për këtë është vendosur në kryesi që askujt nga politikanëve të Kosovës, pavarësisht mbështetjes që i kanë dhënë protestat të mos i jepet fjala.
Megjithatë politikani nga Maqedonia e Veriut, Ali Ahmeti mbajti fjalim.
Llapashtica ka thënë se kjo është bërë pasi ai ka qenë pjesë e UÇK-së dhe dikujt është dashur t’i jepet fjala.
“Ka qene me ftesë. Fjalimi i Ali Ahmetit i ka neutralizau këta tjerët këtu. Dikush është dashtë me fol dikush nga shtabi dhe po të flisnin politikanët tani do të ishte politizuar”, tha ai në emisionin “Këndi i Debatit” në Tëvë1.
Fjalimin e Ali Ahmetit e ka mbështetur edhe njohësi i çështje politike Selam Shkodra.
Ai ka thënë se Ahmeti ka folur aty për shkotë e tij të luftës.
“Ali Ahmeti ka dal për shokët e tij, është veteran i UÇK-së, ka qenë anëtarë i Shtabit të Përgjithshëm”,ka thënë Shkodra.
Por, ai ka kritikuar siç ka thënë disa zëra që këtë protestë janë munduar me kthye në mbështetje të një partie të caktuar.
Shkodra poashtu ka kritikuar Lëvizjen Vetëvendosje dhe Lidhjen Demokratike të Kosovës që siç kanë thënë ai si parti nuk e kanë mbështetur këtë protestë.
“Nuk i mbështesë fare veprimet e LDK-së dhe LVV-së që si subjekte nuk kanë bë thirrje me mbështetët protestën. Jam kundër edhe ca njerëzve që mundohet mi dhënë konotacione se është mbështetje për një subjekt të caktuar”, ka thënë ai.
Ahmeti: UÇK dhe liderët e saj bënë ndryshim gjeostrategjik që solli stabilitet në rajon
